جريح المحبه

‏​‏​مـن ذاق حـر القايلـه يعشـق الليـل
. ومـن شـب ضـوه ليلـة البـرد يـدفـا
امسيت في جيلٍ ولاهوب ذا الجيل
. و اصبحــت والا ديـرتـي شـبـه منـفــا
واللـي حمـا بيتـه بطيـرٍ ابـابيـل
. ماجيـت ادور كـل مـن صـد واقفـا
ولا جيـت ابشحـد يانمـا دلـه وهيـل
. جيتـك وجـرح الظلـم غـاديـه يشفـا
جيتــك بكلمـه كنهـا صعقـه الويـل
. وان قلـت تكفى لاتهــاون بتكفـا
تكفى تراها كلمتن تقطم الحيل
. لا بالله الا تنسف الحيل نسفا
تكفى تـرا تكفى لهـا هـدرة السيـل
. في صدر حرٍ ينتف الطيب نتفا
تكفى تـرا تكفى لـهـا تسـرج الخيـل
. ان كان لك في مجمع الخيل عسفا
تكفى تراني من قرومٍ مشاكيل
. حمـاية السـاقـه بسيفٍ وشلفـا
تكفى ترى تكفى تهـز الـرجاجيـل
. لولا ظروف الوقت ماقلت تكفـــا